По обидот за атентат поранешниот претседател Доналд Трамп пристигна во Милвоки каде ќе се одржи Републиканската национална конвенција (РНК). На аеродромот во Мичел го пречека армијата. Се е подготвено во арената „Фајсер Форум“ пред почетокот на четиридневниот настан каде илјадници републиканци извесно дека и формално ќе го изберат за свој претседателски кандидат во трката на есен против демократите.
Тајната служба уверува дека веќе во Молвоки се преземени сите безбедносни мерки за одржување на конвенцијата.
- Тајната служба посветено работи со полицискиот оддел во Милвоки, како и со сите наши федерални, државни и локални партнери за да обезбеди безбедна и безбедна конвенција за присутните, волонтерите и за градот Милвоки“, рече Одри Гибсон- Кичино, координатор на РНК за тајната служба.
Aктуелниот претседател Бајден од Овалната соба изјави дека политиката треба да биде арена за мирна дебата.
- „Несогласувањето е неизбежно во американската демократија. Тоа е дел од човековата природа. Политиката никогаш не смее да биде буквално бојно поле. Не дај Боже поле за убивање. Верувам дека политиката треба да биде арена за мирна дебата, за следење на правдата, за донесување одлуки водени од Декларација за независност во нашиот Устав“, рече Џо Бајден, претседател на САД.
20-годишникот вработен во старечки дом од предградие на Питсбург, кого ФБИ го застрела по неговиот обид да го убие Трамп, бил регистриран републиканец, на пат кон митингот во Пенсилванија снимал и свое видео кое се шири на социјалните медиуми. Најпрво се претставува себе си како Томас Метју Крукс и вели дека ги мрази републиканците.
Според аналитичарите има многу лажни вести и теории на заговор, од тоа дека луѓето од кампањата на Трамп го оркестрирале нападот, па до тоа дека е извршен по наредба на Белата куќа.
- „Една, за која се чини дека главно ја шират луѓето од левиот политички блок, сугерирајќи дека тоа е на некој начин лажен сигнал кој поранешниот претседател Трамп и неговата кампања го организирале овој настан за да ги придобијат симпатиите и поддршката на Американците. Од десниот блок имаше многу тврдења кои ги ширеа симпатизерите на Трамп дека Тајната служба лошо го штитела поранешниот претседател, можеби по налог на Белата куќа“, објаснува Дејвид Клепер, новинар на Асошиејтед прес.
По обидот за атентат врз Трамп, доларот вртоглаво расте, а скокнаа и криптовалутите. Веста влијае и врз расположението на азиските пазари и инвеститори и ги крена нагоре проценките за победа на Трамп во ноември.
Билјана Ставрова