Фудбалската репрезентација на Франција се пласираше во четвртфиналето на Европското фудбалско првенство откако денеска со минимални 1-0 ја победи Белгија.
„Триколорите“ уште еднаш покажаа немоќ во напаѓачкиот дел од играта па единствениот гол беше дело на дефанзивецот на Белгија, Јан Фертонген, кој си постигна автогол по ударот на Рандал Колу Муани.
🚨🚨| GOAL: KOLO MUANI OPENS THE SCORING FOR FRANCE!!!
France 1-0 Belgium
— CentreGoals. (@centregoals) July 1, 2024
Интересно е тоа што Французите кои се едни од главните фаворити на турнирот на досега четири одиграни натпревари немаат постигнато гол од игра. Од вкупно три голови, два се автоголови и еден е дело на Килијан Мбапе од пенал против Полска.
Во четвртфиналето, Франција ќе се соочи со победникот од вечерашниот дуел помеѓу Португалија и Словенија.