Селекциите на Швајцарија и Германија се првите четвртфиналисти на Европското првенство во фудбал.
Швајцарија триумфираше со 2:0 во дуелот против сега веќе поранешниот шампион Италија. Победата на Швајцарците им ја донесоа Ремо Фројлер и Рубен Варгас.
Домаќинот на првенството Германија со идентичен резултат славеше во мечот против Данска. Дуелот во Дортмунд во првото полувреме беше прекинат поради големото невреме проследено со грмежи и град.
Германците во второто полувреме на два пати го совладаа Каспер Шмајхел, а стрелци на головите беа Каи Хаверц од пенал и Јамал Мусиала.
На овој натпревар беа постигнати уште три погодоци од кои два на домаќинот и еден на Данците кои беа поништени по реакцијата од ВАР собата.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.