Компании од Европската унија потпишаа инвестициски договори со Египет во вредност од над 40 милијарди евра кои опфаќаат широк спектар на индустрии. Ова го соопшти претседателката на Европската комисија, Урсула фон дер Лајен од Каиро каде присуствува на дводневната конференција „ЕУ – Египет“.
Настанот беше договорен за време на нејзината средба со египетскиот претседател Абдел Фатах ел-Сиси. Потписите на повеќе од 20 договори и меморандуми со Египет, доаѓа по финансискиот пакет на ЕУ во вредност од 7,4 милијарди евра во насока на стабилизирање на националната економија и запирање на приливот на мигранти во Европа.
Покрај економската стабилност и миграцијата, со договорите се опфатени и политичките односи, инвестициите, трговијата, безбедноста, но и зелена енергија и дигитални обуки.