Вести Македонија Најважни

ЦУК бара решение за змиите како во современи земји- лиценци или дозвола за заловување на примероци од див свет

Директорот на Центарот за управување со кризи (ЦУК) Стојанче Ангелов одржал координативниот состанок на тема „Загрозување по животот и здравјето на луѓето од зголеменото присуство на змии во урбаните средини”, на којшто присуствуваа претставници од Министерство за внатрешни работи и од Зоолошка градина Скопје.

Од ЦУК информираат дека на состанокот, иако повикани, не присуствувале претставници од Министерство за животна средина и просторно планирање, од Министерство за здравство и од Министерство за земјоделство, шумарство и водостопанство.

Ангелов на состанокот истакнал дека за зголемениот број пријави за змии во државата, потребно е соодветно превентивно да реагираат државните структури што се во допир со таа тема.

Претставниците од Зоолошката градина Скопје информирале дека доброволно во рамки на можностите понекогаш помагаат за безбедно отстранување на змии, при што посочиле дека би било корисно на идната координативна средба да бидат повикани претставници и од невладиниот сектор, конкретно од Македонското еколошко друштво (МЕД), („херпатолози“), за да направат стручна експертиза.

Напоменале и дека во Град Скопје засега нема случаи на опасно повредени или загинати лица од отровни змии, што е во домен на Министерството за здравство и Институтот за јавно здравје.

На средбата станало збор и за работите кои, како и во другите современи земји, се поврзани со лиценци или дозвола за заловување на примероци од див свет, како се заловува дивото животно, а и за начинот и местата каде што потоа безбедно се пушта на слобода во природата или друго одредено место, согласно специфични случаи. Тоа се прашања во сферата на проблематиката на Министерството за земјоделство, шумарство и водостопанство и Министерството за животна средина и просторно планирање, кои во буџетот треба да издвојуваат финансиски средства за обука, за теренска акција и едукација за справување и запознавање на диви животни, се наведува во соопштението од ЦУК.

На координативната средба било посочено дека е пожелно темата да се споделува и преку соработка со медиумите, со цел подигање на општествената свест и безбедноста на граѓаните.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Прва смена меѓу кадрите на претседателот – Силјановска го разреши Муслиу, директорот на Разузнавање тврди дека тргнала партиски, а не законски

Дејан Дејан

Секаде каде што мора, ќе го почитуваме уставното име, но никој не може да ви забрани да ја нарекувате државата како што сте учеле – Димитриевски во „Топ тема“

Дејан Дејан

Ме разреши без да се сретнеме на брифинг, попушти пред партиски притисоци наместо да работи по законска оправданост и мерит систем како што говореше, сментиот директор на Разузнавање за потегот на Силјановска

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе