Новата Влада да продолжи да го гради концептот на интеркултурализам, порача универзитетскиот професор Зоран Матевски.
Според него, само со јакнење на граѓанскиот идентитет ќе се надминат конфликтите на религиска основа какви што се јавуваат на повеќе места во светот.
По тоа прашање, тој смета дека Македонија е пример.
За деканот на Филозофскиот факултет, Ратко Дуев, важно е да се зачувува секуларноста на државата и да нема мешање на религијата во политиката, бидејќи тие честопати се испреплетуваат со што се губи границата на секуларноста, но од друга страна смета дека црковните великодостојници како граѓани на државата имаат право да искажуваат свое мислење.
Овие прашања се разговараа на Втората светска научна конференција на тема Религиски дијалог и соработка на која учествуваат 60 еминентни научни од 22 земји. Присутни се научници од областа на социологија на религија, анторпологија на религија, историја на религија, и психологија на религија. Заклучоците од четиридневната конференција треба да послужат да се надминат конфликтите, но и превентивно да се дејствува во држави каде може да се појават такви проблеми.
Сузана Мицева