Колку што разбрав, ДУИ и Вреди би биле предлагачи на измените на законот за локална самоуправа, иако и на ВМРО-ДПМНЕ му одговара, бидејќи и тие ја имаат Општина Аеродром во која што сакаат да си ја задржат доминацијата, истакна професор доктор Борче Давитковски, во вечерашната „Топ тема“ на Телма ТВ, за најавените измени на законот за локална самоуправа за општините во кои избраните градоначалници одат во извршната власт.
„Со ова, тие го дерогираат Охридскиот рамковен договор во кој еден од столбовите е токму локалната самоуправа и правото на граѓаните да се самоорганизираат и управуваат со територијалните единици во кои живеат. Со ова се става пепел на делот на Охридскиот рамковен договор кој со полна уста веќе толку години го промовираат од ДУИ, претпоставувам и другите политички субјекти од албанска провиниенција“, изјави Давитковски.