Влажност на воздухот од 95 отсто и непознат мирис после апаратот за анестезија, утврдила фирмата што ги одржува системите за компримиран воздух во скопските клиники. Според нивниот извештај, при зголемена влажност, мирисите поинтензивно се чувствуваат. Се препорачува замена на целиот систем, стар повеќе од три децении.
Миризба од непознато потекло веќе две недели ги држи затворени хируршките сали на скопска хирургија, а пациентите се препраќаат во другите две болници. Министерот се сомнева и на саботажа. Салите ќе бидат отворени кога германска лабораторија ќе потврди дека воздухот и кислородот се добри, но тоа нема да го реши проблемот со миризбата.
Вечерва во КОД ќе гледате за можните причини за непознатиот мирис.
Во КОД ќе гледате и за обвинение за тројцата соучесници во киднапирањето и убиството на 14-годишната Вања Ѓорчевска и 74-годишниот Панче Жежовски. Тие во истрага признаа вина, но еден од нив подоцна го смени исказот. За помагање во киднапирањето е обвинет и таткото на девојчето. КОД е во 19:15 часот.