Станува збор за сосема различни работи, во двата закони кои се однесуваа на должината на работното време за изградбата на коридорите 8 и 10д од страна на Бехтел и Енка, рече претседателката на Уставниот суд, Добрила Кацарска
Не е точно дека Уставниот суд за иста работа донесе две различни одлуки. Во првата одлука се работеше за работно време од 60 часа. Работното време е стрикно утврдено, тоа е 40 часа, и затоа ние во тој дел го укинавме тој закон. Во втората ситуација се работи за прекувремена работа, тоа е сосема различна работа, рече Кацарска.
Таа објасни дека во законот за кој не поведоа постапка предвидена е прекувремена работа и потребна е писмена согласност од работникот.
Во никој случај, затоа што ако е работно време ќе ја земе онаа плата што ја зема без оглед колку би работел, што му е утврдена, дали би работел 40 или 60 часа нема да има надомест. Се работи овде за прекувремена работа која што е дозволена, работа за која што работникот мора да потпише своја изјава дека се согласува, и за што ќе добие и надомест. Освен тоа, за секоја прекувремена работа, според тој закон, мора да се пријави во инспекторатот и да се направи контрола, рече кацарска.