Вести Македонија

Трајанов: Потребни се коренити уставни реформи

Паралелното извршување на извршна функција со пратеничка функција е кршење на Уставот, е заклучокот на поранешните и сегашни пратеници во вечерашната Топ Тема на Телма.

Јасен е Уставот, нема дилема, не знаеме дека дали е тоа политички договор, меѓутоа очигледно таа пракса се провлекувала години наназад од сите влади, и сега останува на тој начин да се толкува и применува. Мислам дека нема потреба да се прави толкава фама од ова, овластувањата на оваа влада се многу ограничени. Многу брзо ќе имаме нова влада, рече пратеничката Снежана Калеска Ванчева.

Поранешниот пратеник Павле Трајанов, пак, смета дека државата е во своевидна уставна криза, и затоа се потребни коренити уставни реформи, овие прашања кои низ примената на Уставот се појавија како слабост на функционирање на системот. Како дел од новото мнозинство кое се формира во Собранието, Трајанов појасни дека концептот по кој ВМРО-ДПМНЕ се води во преговорите е албанските политички партии да бидат правично застапени на сите нивоа на власта.

Повеќе од јасно е дека ВМРО-ДПМНЕ можеше да обезбеди 61 пратеник и да го конституира парламентот и да предложи свој кандидат, независно од неговата етничка припадност. Направен е компромис сепак коалицијата Вреди да ја преземе таа функција, и мислам дека овие поделби по етничка, партиска, верска основа нанесуваат огромни штети. Тој триумфализам што беше манифестиран од ДУИ со изборот на Талат Џафери за технички премиер, со тоа што некаде над 60 посто, со 12/13 пратеници ги добија сите клучни позиции, 8 министерства. Не е врзано за Албанци министри, туку за процес на ДУИ-зација, рече Трајанов.

Според него грешката на СДСМ беше што псотојано правеше отстапки пред ДУИ, што предизвика револт кај граѓаните.

За мене ќе беше прифатливо кога ДУИ беше во власта, со пет министерства можеше да се вклучат и други политички партии, но тој колач од 25 посто да го делат меѓу себе, а не СДСМ постојано да прави отстапки. Ние што добивме? Руинирани институции, системот не функционираше, имаше незадоволство, револт. Еве погледнете ја актуелната ситуација во Министерството за здравство, во Клинички центар, не функционира, блокиран, зошто? Затоа што некој не работел темелно, земале пари ги трошеле за друго, прикажувале дека го менувале системот за кислород, рече Трајанов.

Токму поради тоа, додаде Трајанов, ВМРО-ДПМНЕ и извесниот Мицкоски треба да водат сметка за профилот на кадрите што ќе ги преземат тие важни институции.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Вчера имало проблем со електроенергетската мрежа во Македонија и можело да има сличен колапс и снемување струја како денеска во половина балкански држави, тврдат во БиХ?

Дејан Дејан

Во Пакистан експлодира бомба крај пат при што загинаа пет војници

Дејан Дејан

Нормализиран сообраќајот на патот Градско – Велес

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе