Раноградинарите од Струмичко се организираат и преку протести го изразуваат незадоволството од откупните цени на зеленчукот. Производството под пластеници е скап и макотрпен процес, па лошиот пласман ќе ги остави во долгови земјоделците кои штотуку почнаа со берба на домати. Вчера производителите од Просениково порачаа надлежното министерство да најде начин да им помогне, бидејќи ситуацијата е сериозна, а самите немаат решение за подобар пласман.
Изминатата недела протестираа и жителите од Иловица и Штука. Тие го блокираа патот револтирани од ниската цена на компирот.
Дополнителниот заменик министер за земјоделство Трипуновски беше на средба со производителите и се договори минимална откупна цена на младиот компир. Годинава лошо мина и откупот на зелката, здруженијат тврдат дека околу 30 прценти од производството останало во нивите.
Сузана Мицева