Штип денеска одбележа 23 години од смртта на Димитар Двојаковски и Влатко Петров, кои животите ги загубија кај село Ваксинце, во воениот конфликт во 2001 година. Се уште се свежи сеќавањата, болка која не се заборава, вели Васе Јовевски од Здружението на граѓани „Влатко Петров“.
Влатко Петров и Димитар Двојаковски, биле дел од групата составена од седум војници кои со транспортер се враќале од терен. Иако имало барикади кај Ваксинце, добиле наредба да продолжат. Седумината војници влегувајќи во селото, биле веќе во заседа од УЧК и нападнати од сите страни.
Димитар Двојаковски е роден на 22 април 1972 во Нова Горица, а Влатко Петров 23 јули 1977, во штипското село Чардаклија. Семејството на Петров се подготвуваше за неговата свадба, а Двојаковски зад себе остави едногодишен син.
Викторија Јованова
