Почна полагањето на приемниот испит за влез во академијата за судии и јавни обвинители, а во јавноста не се открива како ќе се надмине неспроведливата законска одредба со бодовите на практичниот тест.
Од министерстовто за правда не откриваат дали на повидок има решение за веселата математика во законот за академија за судии и јавни обвинители во кој збирот на устниот и писмениот дел што еден кандидат може да ги добие на парктичниот испит е 105, а во истиот законот пишува- најмногу 100 бода. Двајца адвокати го осприја законот и пред Уставениот суд но според информациите од таму за сега нема најава кога ќе биде ставен на седница.
Од денеска кандидатите за 9тата генерација го полагаат квалификацискиот тест за влез во Акадeмеијата. Следен е практичниот испит кој е планирано да се на полага од 18ти април. Од академијата не одговорија на прашањето на Телма како ќе се пресметуваат бодовите .
Ова е еден од аспектите што го спорат и од опзициската ВМРО ДПМНЕ кои денеска освен Законот за Академија го проблематизираа и тоа што полагањето на приемниот испит се спроведува во предизборие. Неодамна поднесоа и претставка до антикорупцсика за прекршување на членот 8 -а од Изборниот законик кој забранува вработувања по распишување на изборите
Апелираме до ДКСК да го спречат ова прекршување на изборниот законик од страна на Академијата за судии и обвинители, бидејќи решавањето на овој предмет ќе биде и тест за интегритетот на Антикорупциската комисија која има должност да го заштити изборниот законик. Дополнително, ќе се остави време да се исправи актуелната состојба, наместо електронското полагање, писменото полагање на квалификацискиот тест. Тоа сега значи човечко влијание, можност за манипулации- Наум Стоилковски, портпарол на ВМРО ДПМНЕ.
Претседателката на ДКСК во емисијата ТОП Тема на Телма во петокот потврди дека се уште работат на овој и други 22 предмета поврзани со прекршувања на изборниот законик и најави дека за дел ќе бидат донесени одлуки неделава на седницата што треба да се одржи седница пред старт на кампањата.
Елена Ивановска Мукоска