Дај ни 800 евра, ќе ти дадеме дијаманти – Кумановец „наседнал“ на плоштадот во Скопје, наместо накит, добил бижутерија

Седумдесет и тригодишен маж од Куманово вчера во 14:30 часот во СВР Куманово пријавил дека на плоштадот „Македонија“ во Скопје бил измамен од две лица за сума од 800 евра.

„Според пријавеното, лицата му кажале дека направиле сообраќајна незгода и дека им требаат парите за да одат на лекар и за возврат ќе му дадат дијаманти, а откако ќе завршат ќе се вратат и ќе му ги дадат парите. Како што е пријавено, тој им ги дал парите, а тие му дале накит за кој подоцна утврдил дека е бижутерија. Исто така, според пријавеното, лицата не се вратиле, по што сфатил дека е измамен“, велат од МВР од каде додаваат дека се преземаат мерки за расчистување на случајот.