Од Канцеларијата за медиуми во Ватикан изјавија дека папата Франциск во интервју за швајцарскиот јавен сервис РСИ не побарал од Украина да се предаде, туку да преговара за прекин на огнот.
Поглаварот на Римокатоличката црква ја искористил метафората на „бело знаме“ за да укаже на важноста од прекин на непријателствата, примирје постигнато преку храброста на преговорите.
Според Папата, процесот е можен со поддршка на меѓународните сили. Киев му одговори: Украина никогаш нема да крене бело знаме.
„Зборот „преговара“ е храбар збор. Ако гледате дека сте поразени, треба да имате храброст да преговарате. Се срамите, но ако продолжите вака, колку жртви ќе има? Ќе станува уште полошо. Преговарајте со време, барајте земја која ќе посредува. Денес, на пример, во војната во Украина, има многу кои сакаат да посредуваат. Турција се понуди за ова. А и други. Не срамете се да преговарате пред работите да станат уште полоши“, изјави Папата.