Субвенционираниот студентски оброк изнесува 140 денари на ден. На своите посебни сметки наменети за оваа мерка, студентите добиваат финансиска поддршка за оброк секој ден од понеделник до сабота и може да ја користат кај правни лица кои произведуваат, подготвуваат или продаваат храна.
Средствата се исплаќаат дневно на посебна кредитна картичка, но, доколку не ги трошите, ќе се собираат на вашите сметки заклучно со сабота. Во сабота располагате со 840 денари. Доколку во сабота не се искористат средствата, нема да ви бидат достапни.
Оние студенти кои сакаат средствата да ги трошат неделно, потребно е првите пет дена да не го трошат оброкот од носењето на измените и потоа да си пазарат од сабота до сабота.
Сумата за дневен студентски оброк не се менува и останува 140 денари. Досега таа сума можеше да се искористи само во еден ден по што парите автоматски се враќаа во буџетот на министерството, а со измената периодот за трошење на субвенцијата се зголемува на 6 дена односно работна недела. Измената ќе биде на сила од 01.03.2024.