Познати се почетните петорки за претстојниот Олстар натпревар во НБА-лигата. Леброн Џејмс испиша нова историја и стана првиот играч во историјата со 20 селекции за натпреварот на ѕвездите.
Џејмс го мина Карим Абдул-Џабар за најмногу настапи на Олстар натпреварите. Тој ќе биде капитен на тимот на Западната конференција во кој се најдоа и балканските ѕвезди Никола Јокиќ и Лука Дончиќ, потоа Кевин Дурент и Шаи Гилгеус Александер. Истокот ќе биде предводен од Јанис Адетокумпо, а во првата петорка друштво ќе му прават Џоел Ембид, Џејсон Тејтум, Демијан Лилард и Тајрис Халибартон.
Олстар натпреварот ќе се одигра по 73-ти пати во историјата од 16 до 18-ти февруари, а домаќин ќе биде Индијана.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.