За само десет дена веќе има два случаи на голема кашлица. Во моментот шестмесечно бебе е заразено и хоспитализирано на Детската клиника Козле. Неговата здравствена состојба е стабилна. Пред неколку дена беше потврдена зараза и кај дете во Кичево. Големата кашлица, позната и како пертусис е заразна респираторна инфекција проследена со многу кашлање. Може да се појави кај дечињата кои не се имунизирани, но и кај возрасните кај кои ослабнал ефектот од имунизација. Болеста се пренесува преку контакт со заразени, а компликациите кои настануваат се многубројни.
„Најчести компликации на големата кашлица се пневмонија и бронхитис и тоа се причини за хоспитализација. може да има и полесни компликации како воспаление на средно уво, анорексија, дехидрација“, изјави Мирјана Поповска, специјалист педијатар во Козле.
Надлежните сметаат дека единствен виновник за враќањето на овие заборавени заразни болести е се помал процент на вакцинација.
„Нашата иднина се нашите деца и затоа ги повикувам сите родители да ги вакцинираат своите деца“, изјави фатмир меџити, министер за здравство.
Периодов е регистриран зголемен број заразени граѓани и на Ковид-19. Па така од 1 до 7 јануари има 72 позитивни случаи. Освен во Македонија слична е состојбата и во регионот. Српските медиуми пренесуваат дека во Србија има тридемија, односно судир на грип, коронавирус и респираторен вирус. Поради тоа некои земји веќе воведоа нови рестриктивни мерки, меѓу нив е и Шпанија која ги воведе маските во здравствените установи.
Тамара Марковска
