„За среќа во МАНУ има цел фонд од белешки и записи на Рацин, фото-архива и други историски материјали. Исто така има добар фонд на некакви пишувања од негови соработници коишто се сведоштва за настаните од прво лице и благодарение на нив имав прилика многу убаво да навлезам во тоа што треба да се екранизира. Запазени се сите клучни моменти почнувајќи од неговото детство кога бил лишен од можноста за формално образование, но, инсистирал самостојно да продолжи да се едуцира. Според онаа позната приказна дека тој на таванот на неговата куќа, на газиена ламба или на месечева светлина“, рече во вечерашната Топ Тема на Телма, режисерот на играната серија од десет епизоди „Црвениот поет“, Никола Поповски, која се емитува на Телма.
Поповски рече дека публиката ќе има прилика да го види тој дел од неговиот живот и целиот негов политички активизам, почнувајќи од зачленувањето во Комунистичката партија, неговиот левичарски активизам, неговиот избор за член на конгресот во Дрезден и сите неволји кои што го снаоѓаат.
ЦРВЕНИОТ ПОЕТ – ТВ Мини Серија – прва епизода 09.01.2024 во 20 часот