Кампањата „Крени глас против насилството“ наиде на голем интерес, веќе се приклучија десетина општини, а интересот и натаму расте, и во општините надвор од Скопје, вели Марија Јосифовска Спасовска, член на УО и директор во Макпетрол, компанијата која ја покрена инцијативата за оваа кампања.
- Ефектот кој што го очекуваме би бил секако да допре вистински до целните групи до кои што треба да допре. Да направиме промена во општеството, да се намали булингот, да се превземат уште поголеми институционални чекори на темата, едноставно, да допринесеме во создавање на едно побезбедно општество за нашите деца, вели Јосифовска Спасовска.
Додава дека „Макпетрол отсекогаш била општествено одговорна компанија, и тоа било, барем јас сметам, доста видно низ годините, од своето постоење, меѓутоа сметавме дека е време да дадеме нешто на општеството целосно, на сите засегнати и ова беше една актуелна тема која што е присутна да не речам во сите домови во нашето општество и сакавме да биде нешто кое што ќе придонесе речиси во секој дом“, вели Јосифовска Спасовска која гостуваше во утринската на Телма.