Владата го утврди текстот на предлог законот за помилување, целта е да се надминат недостатоците и правните празнини

Владата го утврди текстот на предлог законот за помилување, што го предложи Министерството за правда.

Како што соопштија од владата, причините за донесување нов закон за помилување, произлегуваат од недостатоците и правните празнини во сегашниот закон, од аспект на неговата практична примена.

Една од најзначајните измени во законот е тоа дека претседателот на државата може да даде помилување само за казна, а не и за кривично гонење на поименично определени лица.

Измената на законот беше иницирана по масовната аболиција што ја даде поранешниот претседател Ѓорѓе Иванов, кога помилуваше лица уште пред да почне судска постапка.