Во Струмица стапуваат на сила мерките за справување со загадувањето на амбиенталниот воздух. Мерната станица покажала дека е надминат прагот на алармирање на суспендирани честички со големина до 10 микрометри кој согласно регулативата два последователни изнесувал над 150 mg/m3. Врз одлуката на МЖСПП влијаела и временската прогноза на УХМР.
Единиците на локалната самоуправа се должни да ги спроведат мерките пропишани во краткорочните планови или краткорочните мерки донесени на Советите на општините.
Во вакви случаи се препорачува да се избегнува престојување на отворен простор, се ослободуваат од работа бремените жени и повозрасните лица, лицата со хронични болести и сите други засегнати лица кои спаѓаат во оваа група на ранлива категорија.
Ова е прв пат годинава да се прибегне кон вакви препораки и мерки од почетокот на оваа грејна сезона.
Претходните денови и ситуацијата во Скопје беше алармантна. Главниот град во четвртокот се најде на 4то место на ранг листата најзагадени градови во светот.
На неславната листа беше во друштво со индустриски центри од Азија, Мумбај, Њу Делхи и Карачи. Тогаш беше измерено ниво на 20 пати поголема концентрација на ПМ 2,5 честички од годишната вредност на упатството за квалитет на воздухот на Светската здравствена организација.