Со „Порше“ излетале од патот – пет тинејџерки повредени утрово во Скопје

Пет тинејџерки се повредени утрово во сообраќајна несреќа во Скопје, кога автомобил од марката „Порше“ излета од коловозот. Несреќата, според министерството за внатрешни работи (МВР) се случила околу 3 часот на крстосница од улица „Симеон Кавракиров” и улица „Венијамин Мачуковски”, по Транспортниот центар во насока кон Аеродром. Сите повредени се згрижени во Комплексот клиники „Мајка Тереза” и во Градската општа болница „Св.Наум Охридски”.

„Во несреќата со тешки телесни повреди се здобила А.Ц. и сопатничката С.П.(18), а со телесни повреди се здобиле уште три сопатнички Ј.М.(18), Е.Б.(18) и АМ.К.(18) сите од Скопје, констатирани во Комплексот клиники „Мајка Тереза” и Градската општа болница „Св.Наум Охридски”“, информираат од МВР.