На снежната бура тргнале со жичарницата кон Крстот на Водно, но биле заглавени во гондола кога снемало струја на жичарницата.
Откако напојувањето со електрична енергија се вратило, групата од 4-ца, меѓу кои и тригодишно дете успеала да стигне до врвот. Но, поради снежните врнежи и ветерот, не можеле да се вратат со жичарницата по што интервенирале полицајците од ЕБР, од интервентната полиција и од скопската сообраќајна единица кои успеале доцна вечерта да ги извлечат и спасат од Водно.
МВР објави видео од спасувачката акција.
Целосното соопштение на МВР:
Полициски службеници од Единицата за интервентна полиција, одделението за безбедност на патниот сообраќај при СВР Скопје и Единицата за брзо распоредување денеска (25.11.2023) спасија четири лица, меѓу кои едно дете и еден германски државјанин, кои беа заглавени на жичарата на Водно, поради лошите временски услови и снемувањето на електрична енергија на жичарата.
Првично е пријавено дека лицата биле заглавени во гондола на жичарата, но потоа дошла електрична енергија и лицата стигнале до врвот на Водно, но не постоела можност да се спуштат надолу поради невремето и немањето електрична енергија. Веднаш по добиената пријава околу 16 часот, полициски службеници од ЕИП и ЕБР преземаа активности за пронаоѓање и спасување на лицата, по што тие безбедно, во придружба на полициските службеници се спуштаат кон Скопје.
Сообраќајот преку Стража во целосен прекин, видео од заглавени камиони на Велес-Катланово