Јаник Синер е првиот финалист на завршниот мастерс тениски турнир во сезоната што се одржува во Торино. Италијанецот ја израдува домашната публика со победа против Данил Медведев.
Синер до своето прво финале на овој турнир стигна со триумф во три сета. Првиот го доби со 6-3, но Русинот израмни во вториот и тоа во тај-брејкот. Медведев потоа побара медицински тајм-аут поради повреда, па третиот сет Синер го доби убедливи со 6-1.
Во мечот за титулата тој го чека подобриот од второто полуфинале во кое се соочуваат двајцата најдобри тенисери на денешницата Новак Ѓоковиќ и Карлос Алкараз. Овој меч почнува во 21 часот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.