Пратеникот на ВМРО – ДПМНЕ, Бране петрушевски за Фесбук обвини дека министерот за здравство Фатмр Меџити ја разрешул директорка на Општа Болница Куманово, Биљана Ивановска, за да постави партиски кадар на таа позиција. Според решението потпишано од Меџити на 13-ти овој месец, за ве де директор е поставен Фати Џемаили.
„Причината е внатре-коалициските несогласувања помеѓу владините партнери, поконкретно, доцнењето на Спасовски со поставување на началници по СВР-ата во западна Македонија од редовите на Алијанса за Албанците, согласно нивниот коалициски договор“, пишува Петрушевски.
Според него, сега пациентите во Куманово остануваат без уролог.
Министерот Фатмир Меџити, кој вчера ја посети болницата во Куманово, како што пренесува Кумановски муабети, смета дека за тоа требале да мислат предходните министри и менаџери.
„За тоа требало да размислуваат господата моите предходници, но и предходните менаџери на Општа болница Куманово. Знаеме дека тука имаше многу проблеми и предходно, јас веќе нема да го дозволам тоа. Тоа за што треба да ме држите за збор е дека ќе напредуваат работите во Кумановската болница, како никогаш досега. И затоа отсега натаму нема да дозволам никакви злоупотреби, луѓе кои не менаџираат добро, да седат и да спијат. Ако сакаме здраво, здравство за сите наши пациенти вака ќе работиме“, вели Меџити.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.