Водата е непроценлив ресурс и мора да се одржува и рационално да се користи. Чистата вода како ресурс, со правилна законска регултива и со јасна стратегија, ќе овозможи развој на економијата во повеќе сектори.
Македонија располага со одлични водни ресурси, но потребни се подобри идеји за развој на „сината економија“, развивање на свеста кај сите чинители во општеството и посилна инситутционална поддршка за приватниот сектор. Ова се заклчуоците од денешниот „Блу економи самит“, кој се одржа во Скопје.
Старите системи за водоснабдување се причина за голема загуба на вода и мора да се сменат, мора да се продолжи со процесот на третман на отпадни води за да се зачува животната средина. Во процедура се два закони со кои ќе се заштити Охридското езеро.
Инвестирање во екологијата и хармозација со законодавството се клуч за приближување кон Европската унија, а државата мора да ги субвенционира компаниите кои сакаат да инвестираат во обновливи извори, смета бизнис секторот.
Во своето обраќање на самитот, евроамбасадорот Дејвид Гир, нагласи дека сината економија е дел од Зелената агенда на Европската унија, и порача Македонија да го искористи процесот на проширување до максимум за да ја заштити животната средина и екосистемот.
Огнен Чанчаревиќ