Додека владата подготвува рестриктивни мери за цените на основните прехранбени продукти, ланците на маркети држат сè уште до високи цени. Иако ја имаа можноста по најавите за забрана овој викенд да понудат акциски цени, такви промоции граѓаните велат дека нема.
„Не, ништо нема на акција. Ништо, ништо, баш ништо. И кога прашавме во маркетот ни рекоа дека акции веќе нема нема затоа што цените се замрзнати“, одговорија граѓаните.
Граѓаните по стапување на мерката на владата ќе пазаруваат и со 10 отсто пониски цени леб, млеко, кашкавал, сирење и други основни продукти. Багателно ќе може да се нудат на акциска промоција само алкохолот и соковите. Основа за намалување ќе биде една од цените од претходните месеци, но од кој точно Бектеши не прецизираше. Но, дотогаш тоа што се нуди на рафтовите во моментов е со изгор скапи цени, реагираат граѓаните.
Анализите сè уште не се готови. Но, затоа планот како ефикасно да се спроведуваат мерките, економија го има на хартија. Се прават и измени во законот за ДПИ со кои пазарните инспектори ќе можат веднаш да го затворат објектот кои нема да ги почитува одлуките.
„Ќе има затворање од страна на ДПИ, ако не се почитуваат, иако не сакаме тоа да се случи, но ако има неправилности ќе го сториме тоа“, вели Горан Трајковски, директор на ДПИ.
Одлука за замрзување на цените ќе се донесе во вторник на владина седница, а веќе од среда пазарните инспектори ќе прават проверки на терен. Дополнително ќе се носат и мерки за производителите и дистрибутерите. А ќе има и ново законско решение за нефер трговски практики, со кои се укинуваат над 20 отсто од одредени давачки во синџирот на трговија. Најголем дел од производите чии цени ќе се намалат се со ДДВ од 5 отсто. Цените кај нас се зголемиле за 46 отсто, во Европа за само 11 проценти. Поради тоа се отвара сомнеж дека кај нас постои картелско договорање при формирање на цени.
Павле Беловски