По големата победа над Црна Гора и обезбедениот пласман во осминафиналето на Европското првенство, репрезентацијата на Македонија вечерва ја очекува нов предизвик.
Во арената Борис Трајковски од 20 часот составот предводен од селекторот Јошко Миленковски и капитенот Никола Ѓорѓиев ги очекува дуелот против репрезентацијата на Полска која е еден од главните фаворити за освојување на медал на континенталниот шампионат.
Токму фактот дека имаме можност да играме против една од најсилните селекции на светот нашите одбојкари и стручниот штаб едноставно посакуваат да уживаат во овој натпревар и без поголем притисок да покажат дека сосема заслужено се наоѓаме меѓу елитата во европската машка одбојка.
Полјаците како и репрезентацијата на Македонија во досегашниот тек од фазата по групи имаат максимален учинок и во соочувањата со Холандија и Чешка загубија само еден сет.
Дуелот против селекцијата на Полска се игра во арената Борис Трајковски и почнува во 20 часот.
ФОТО: Игор Паневски