Во првиот натпревар од финалната серија во НБА лигата, Денвер го совлада Мајами со 104:93.
Никола Јокиќ првиот финален меч во кариерата го заврши со 27 поени, 14 асистенции и 10 скока, Џамал Мареј додаде 26 поени и 10 додавања додека Мајкл Портер впиша 14 поени и 13 освоени топки под обрачите.
Во редовите на Мајами, Бам Адебајо имаше учинок од 26 поени и 13 скока, Гејб Винсент беше стрелец на 19 поени, а Џими Батлер забележа 13 поени, седум асистенции и седум освоени топки.
Серијата останува во Денвер, а вториот дуел се игра в недела.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.