Рускиот претседател Владимир Путин има тајна мрежа на подземни тунели кои се наоѓаат под неговата палата на Црното Море. Како што пренесува Индепендент, големиот бункер на Путин е изграден под палатата Геленџик, според плановите што онлајн ги објави фирмата која е задолжена за проектот.
Како што се гледа од нив, мрежата на тунели се наоѓа на околу 50 метри под нивото на земјата. Комплексот, за кој прв пишуваше Бизнис инсајдер, е замислен како заштита во случај на војна или револуција и изграден е пред руската анексија на Крим во 2014 година. Двата тунела се долги меѓу 40 и 60 метри и широки шест метри. Нивната способност да издржат нуклеарка или бомба за разбивање на тунели зависи од фактори кои не се вградени во дијаграмот, па бетонските ѕидови н тунелите се дополнително засилени.
Вредноста на комплексот се проценува на една милијарда фунти и се протега на површина од 190.000 метри квадратни. Меѓу содржините што се вградени се и црква, лизгалиште, казино, шиша бар, спа центар, хелиодром, вински подрум, наргиле салон со стриптизети, итн.
⚡️Schemes and drawings of the underground part of Putin’s Palace in Gelendzhik have appeared.
On the plans shown by Business Insider. depicts two complex tunnels running under the palace complex. The palace and underground structures are connected by an elevator descending… pic.twitter.com/45GkxDyWft— FLASH (@Flash_news_ua) May 17, 2023
Лавиринтот на тунели го откри Фондацијата за борба против корупција на Алексеј Навални, руски опозиционер кој моментно се наоѓа во затвор. Тие ги пронајдоа дијагрмите на компанијата „Метро Стајл“ на која и беше доверена изградбата. „Метро Стајл“, руски изведувач кој во меѓувреме престана да постои, ги објави спорните дијаграми како референтни активности на својата веб страница, со намера да ги покаже своите успешни проекти од 2010 години.
Конкретните скици за надземниот и подземен комплекс на Путин осамнаа на интернет во 2016 година. Се чини дека бункерите имаат хоризонтален и вертикален систем на канализација, систем за снабдување со чиста вода, додека бетонските ѕидови имаат дебелина од 40-тина сантиметри.
Во делови од комплексот се вградени и лифтови од кои еден го поврзува со два тунела, а под нив има патека која води до плажа, како и кабли кои може да послужт за снабдување со електрична енергија. Излезите од двата тунела се видливи од карпа која се простира од морето до самата плажа.
„Оваа поставка на тунели ги има сите видови на безбедносни опции. Има противпожарен систем, вода и канализација. Наменети се за нечие преживување или бегство“, смета Тадеуш Габришевски, инженер кој е запознат со одбранбените системи.
Schemes of “Putin’s Black Sea Bunker” in Gelendzhik were shown by Business Insider.
The plans show two complex tunnels running under the palace complex. The palace and underground structures are connected by an elevator that descends to a depth of approximately 50 m.
The tunnels… pic.twitter.com/43EmvrWgiV— Feher_Junior (@Feher_Junior) May 17, 2023
Компaнијата „Метро Стајл“ го опиша проектот како „подземен комплекс на одморалиште“ во Геленџик, град кој е најблизок до палатата на рускиот претседател.
„Путин е анксиозен дека не е целосно легитимен лидер на Русија. Знаејќи дека неговиот легитимитет не е целосно обезбеден на избори, тој се обидува да ја осигура личната безбедност низ комплекс на добро обезбедени резиденции“, вели Мајкл Кимаџ, поранешен советник во Стејт департментот.
Претседателот на САД со бункери за итни случаи под Белата куќа и во Монт Ведера во Вирџинија
Путин, сепак, не е единствениот кој прави планови за екстремни и непредвидливи ситуациии. Ги прават и лидерите на сите нуклеарни сили во светот. Претседателот на САД, на пример, има бункер за итни случаи под Белата куќа и во Монт Ведера во Вирџинија. За разлика од американските објекти, црноморскиот комплекс на Путин формално е приватно финансиран и останува во трајна сопственост на актуелниот руски претседател.
Фотографиите се преземени од Wayback Machine/Metro Style и Alexei Navalny/YouTube.