Силно невреме го зафати подрачјето на Војводина. Невреме пропратено со град, грмежи и ги погоди Зрењанин и Нови Сад, каде улиците за еден час беа поплавени, регионалните патишта се под вода, а според најновите информации водата навлегла и во десетици куќи. Евакуирани се неколку семејства, а во Нови Сад има и двајца повредени. Екипите се на терен цела ноќ, а нивото на водата во делови од градот достигнала до крововите од автомобилите, поради што возачите морале да се качат на нив и да чекаат да дојдат спасувачите.
Силен дожд и град ги погоди и северозападниот дел на Србија, областа на Краљево, но и Топола, Бачка Паланка, Крагуевац и Аранѓеловац. Метеоролозите предвидуваат дека водениот бран ќе се движи и кон југот на земјата, а за нестабилноста најмногу влијаат циклоните од централниот Медитеран.
Поплави ги погодија и Италија, Хрватска и Босна и Херцеговина.
Во Италија најмалку десет луѓе загинаа, а неколку илјади се евакуирани. Од трагедија биле спасени 500-тини луѓе. Властите предупредуваат дека ситуацијата може да се влоши. Како последица на невремето 50 илјади граѓани останаа без струја.
И Хрватска продолжува да се бори со поплавите. Најтешко е на подрачјето на Карловац и Хрватска Костајница. Во областа на општина Нови Град, западно од Република Српска, прогласена е вонредна состојба поради поплавите предизвикани од обилните врнежи.