Иднината на околу 16.000 матуранти е неизвесна. Вработените во Државниот испитен центар (ДИЦ) трета недела со ред штрајкуваат и бараат зголемување на платите. Денеска побараа и одложување на државната матура, бидејќи немаат време за подготовка.
Од синдикатот обвинуваат дека наместо за нив парите отишле за зголемување на платите на функционерите. Иако вработените од ДИЦ велат дека нема да си дозволат повторно да работата по 20 часа, министерот за образование Шаќири со оптимистички став смета дека државна матура сепак може да има, ако од денес се започне со работа.
Неуспешни беа досегашните преговори за платите, а ниту денеска нема одговорот од министерството за финансии. Штрајкот во ДИЦ започна на 24 април и трае веќе три недели затоа што 11 од вкупно 29 вработени земаат минимална плата од 20.000 денари.
Тамара Марковска
