Утре премиера на „Јанѕа“, прв долгометражен филм за Блаже Конески

Утре ќе се одржи премиерата на првиот долгометражен филм за Блаже Конески „Јанѕа“ според мотиви од „Дневник по многу години“ на Конески, од истакнатиот македонски документарист Никола Т. Калајџиски.

Филмот е во продукција на „Kонтраст филм“, а се однесува на огромното значење на делото на Конески за македонската култура и наука и воопшто за нашата држава, преку кажувањата на повеќе истакнати академици, универзитетски професори и научници/истражувачи од областа на македонистиката и воопшто од областа на лингвистиката, книжевната наука и културологијата, вклучително и странски македонисти кои важат за познавачи на делото на делото на Конески – негови современици и потомци.