Министрите во кабинетот на Ковачевски не се ниту зачудени ниту навредени што министер за политички систем ќе се занимава со изградба на патишта. Назначувањето на Артан Груби за координатор на Коридорот 8 го разбираат како помош во реализацијата на бројните обврски на Министерството за транспорт и другите институциии.
Вицепремиерот Бојан Маричиќ потенцира дека се работи за најважниот проект на оваа Влада.
Вицепремиерот Фатмир Битиќи повикува секој министер што сака да помогне, да земе дел од обврските бидејќи се работи за проект корисен за сите граѓани.
ВМРО-Народна партија, иако е коалициски партнер во Владата, не се согласува бидејќи не постои никаква поврзаност меѓу Министерството за политички систем и градежните активности на Коридорот 8.
Повика да се укинат Министерството за транспорт и врски и Јавното претпријатие за државни патишта.
Назначувањето на Груби како „координатор за се“, ВМРО ДПМНЕ веќе го оцени како потврда дека се планира голем криминал.
Но Владата, со помош на парламентарното мнозинство, е решена да ја забрза целата процедура и итно да ги измени законите кои ја одолговлекуваат или попречуваат изградбата на Коридорите 8 и 10д.
Во понеделник Собранието по скратена постапка, а по предлог на група пратеници, треба да донесе 9 нови закони поврзани со експропријација, градење, урбанистичко планирање, работа подолга од 8 часа и друго, а стратешкиот партнер ќе биде ослободен од ДДВ и увозни давачки.
Заедничко објаснување за законите е: национален и стратешки интерес на државата.
Соња Николовска