Кошарка Спорт

Конектикат и Сан Диего во трката за NCAA титулата

Универзитетското првенство во кошарка во САД стигна до самата завршница. Во трката за шампионската титула останаа Конектикат и едно од најголемите изненадувања, тимот на Сан Диего.

Сан Диего во неизвесна завршница успеа да ја совлада Флорида со 72:71, а победничките поени ги постигна Ламонт Батлер буквално со звукот на сирената.

Во текот на натпреварот Флорида беше во постојано водство кое на моменти изнесуваше и 14 поени. Но, сепак во завршницата Сан Диего предводен од Мет Бредли кој мечот го заврши со 21 поен и шест скока успеа да направи пресврт и за прв пат во историјата да се бори за титулата во Универзитетското првенство на САД.

Сан Диего чија најголема ѕвезда во историјата на тимот е Каваи Ленард никогаш не успеал да ја мине елиминациската фаза во која настапуваат најдобрите 16 тима од целата земја.

Противник на Сан Диего и главен фаворит за трофејот е Универзитетот Конектикат (UConn), кој во полуфиналето на завршниот турнир што се одржува во Хјустон триумфираше над Мајами со 72:59.

За Конектикат ова ќе биде обид по петти пат да слави во шампионатот и да се израмни по бројот на трофеите со легендарните Дјук и Индијана. Последен пат UConn  трофејот го освои во 2014 година кога во финалето го совлада Кентаки.

ФОТО: Игор Паневски

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Тер Штеген ќе застане на голот на Интер?

Дејан Дејан

Манчестер јунајтед го промовираше младиот Диего Леон

Дејан Дејан

Бони потпиша за Интер од Парма за 23 милиони евра

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе