Србија е подготвена да работи на имплементацијата на многу работи од европскиот план за нормализирање на односите со Косово, но нема да прифати меѓусебно признавање, ниту членство на Косово во Обединетите нации, порача синоќа српскиот претседател Александар Вучиќ.
- Тоа им го кажав и на Макрон и на Шолц и на сите други лидери, не сакам и не може да се разговара за меѓусебното признавање. Отворен сум да разговарам за сè друго, не зашто тоа нè води понатаму на нашиот европски пат, туку и зашто е добро за односите помеѓу Србите и Албанците“, истакна српскиот претседател.
Тој нагласи дека европскиот предлог станал преговарачка рамка за која не може да се преговара. Вучиќ појасни дека и претходно не го потпишал договорот зашто тоа би значело дека Косово може да влезе во ОН, но додаде дека ЕУ нема да прифати негова промена.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.