Русија намерно го суши резервоарот Каховка, изјави вчера вицепремиерката на Украина Ирина Верешчук.
Ова е екоцид. Окупаторите го сушат резервоарот Каховка. Ова е закана за животната средина, водоснабдувањето и земјоделството на регионите Запорожје и Херсон, рече Верешчук.
Резервоарот Каховка е извор за ладење на нуклеарната централа Запорожје и достигна најниска точка во последните три децении, пишува „Киев Индипендент“.
Иако намаленото ниво на водата не претставува непосредна закана за нуклеарната безбедност, може да стане опасно доколку продолжи, изјави директорот на Меѓународната агенција за атомска енергија (МААЕ), Рафаел Гроси.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.