Божиќниот бизнис засега не цвета во Витлеем, родниот град на Исус Христос. Но како и во христијанската догма, туризмот воскресна оваа година, навистина воскресна по две години сериозна криза поради пандемијата на COVID-19.
Надежта на туристичките работници во Витлеем е дека 2023-та ќе го зголеми бројот на посетители. Произведувачите на сувенири поврзани со религијата изработуваат многу повеќе производи, а се почесто користат маслиново дрво за божикните подароци од татковината на религиите.
-Очекуваме дека во 2023-та ќе имаме бум на посетители. За Божикните празници, сите хотели се пополнети и букирани 100 проценти. По короната сите сакаат да се вратат во Светата земја и да не посетат нас, но и црквата на раѓањето, џамијата Ал Акса, античките локалитети, вели Елиас Арја, шеф на хотелската асоцијација на Витлеем.