Високи кирии и мал промет е причината поради која во последните неколку години повеќе од половина од пазарџиите кои работеле на Кванташкиот пазар одлучиле да си заминат. Пазарот веќе четири години има нов сопственик, кој според пазарџиите не инвестирал во локацијата и условите, а енормно ги зголемил цените на кирија, но и барал да му се плаќа еден вид на паркин за возилата и камионите кои пазарџиите ги паркираат во кругот на Кванташкиот пазар.
Наместо разбирање и договор од сопственикот добиле закани и забрана да се зборува со медиумите за состојбата и условите на Кванташкиот пазар.
Пазарџиите велат дека нивните производи секогаш се продавале по ниски цени и тие едвај врзувале крај со крај, а со новите давачки на пазарот тие веќе се во голема загуба.
Бараат помош од надлежните институции да ги дислоцираат.
Тие велат дека освен економската загуба ниту хигиенските услови не се доволно добри и тоа е причина плус за да бидат дислоцирани на место каде што државата ќе ги уредува нивните услови.
Тамара Марковска