Граѓаните на Град Скопје, во втората половина на 2023 година, ќе имаат бесплатен јавен превоз, како што беше ветено, рече градоначалничката на Скопје, Данела Арсовска на денешната прес-конференција.
Одговарајќи на новинарско прашање, таа посочи дека јавниот превоз ќе биде целосно бесплатен, како што беше најавено во програмата. Сепак, како што рече, сите институции треба да си ги почитуваат обврските и да ги исплатат своите долгови.
„Проблемот во оваа држава е кај сите оние кои не си ги почитуваат обврските. Со опструирање на сите институции, кои што 30 години ја „изедоа“ оваа држава, ние не можеме да градиме ниту поквалитетен град, ниту поквалитетна држава. Секој треба има обврска за одговорност, а тоа значи доколку некој должи над два милиони евра не треба да прашува како ќе има бесплатен јавен превоз, туку треба да си ги плати своите обврски. Истото се однесува и за централната и за оние единици на локалната власт кои не си ги подмируваат своите обврски“, рече Арсовска.