Тамират Тола од Етиопија го освои златниот медал во маратонската трка во машка конкуренција.
Тој на целта пристигна со време од 2 часа 5 минути и 36 секунди што е нов рекорд на шампионатите. Тока кој беше втор на Светското првенство во Лондон пред пет годни за минута 28 секунди го надмина досегашното постигнување на Кениецот, Абел Кируи од Мундијалот во Берлин 2009 година.
Втор низ целта мина неговиот сонародник Мосинет Гермију додека трет е Башир Абди од Белгија.
На маратонската трка која стартуваше во 6 часот и 15 минути наутро по локално време беа пријавени 62 тркачи, а на целта пристигнаа 54.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.