Мал авион се урна денеска на прометна улица во главниот град на Хаити, Порт-о-Пренс, при што загинаа најмалку шест лица, меѓу кои и пилотот.
Авионот полетал од аеродромот Порт-о-Пренс кон градот Жакмел на Хаити, а по дваесет минути пилотот испратил предупредување дека моторот им се расипал, соопшти Агенцијата за цивилно воздухопловство.
Џуд Едуард Пјер, градоначалник на Карфур каде што се урна авионот, изјави дека шест лица загинале.
Премиерот Ариел Хенри на Твитер им изрази сочувство на семејствата на жртвите.
На социјалните мрежи беа објавени снимки од несреќата на кои се гледаат телата на загинатите, се чини дека настрадале главно случајни минувачи.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.