Белград во изминативе три дена беше домаќин на светската атлетска елита. Во српската престолнина од 18 до 20 март се одржа Светското првенство во сала на кое настапија голем број на врвни имиња од Кралицата на спортовите.
На последниот ден беа поставени три светски рекорди. Серијата ја отвори Јулимар Рохас во трискок забележувајќи го најдобриот резултат на сите времиња на отворено и затворено.
Американецот Грент Холовеј во полуфиналето на 60 метри со пречки го израмни сопствениот светски рекорд, а на крајот од Мундијалот, Арман Дуплантис во скок со стап прескокна 6 метри и 20 сантиметри и за еден сантиметар го подобри сопствениот рекорд.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.