Екипа на британската телевизија Скајњус успеала да се спаси по заседа во Киев во понеделникот, објави нивната медиумска куќа.
Новинарот Стјуарт Ремзи и новинарската екипа се движеле со автомобил кога според Скајњус руски саботери почнале да пукаат кон нив.
Снимателот Ричи Моклер бил погоден со два куршуми во панцирот. И покрај се, Моклер продолжил да снима и го регистрирал целиот напад.
На снимките се слушаат рафалите упатени кон новинарите, крикот на погодениот снимател, се гледаат искри од куршумите кои го решетаат автомобилот на новинарската екипа и нивните повици на руски дека се журналисти (новинари).
ТВ екипата успеала да се засолни во една фабрика, по што украинската полиција ги извлекла од заседата.
Тимот на Скајњус подоцна е евакуиран во Британија, а снимките сведочат за воениот напад врз известувачите од терен во Украина после руската инвазија.
This is absolutely terrifying – Stuart Ramsay and his Sky News team were targeted by a professional Russian hit squad in Ukraine.
Amazing that cameraman Richie Mockler managed to film this despite being under heavy gunfire.
They’re safely back in the UK. https://t.co/Rs4xVuNukw pic.twitter.com/gKyIzbRNwN
— Tim Gatt (@TimGatt) March 4, 2022