Нешто после 7 часот по македонско време Русите го ракетираат главниот плоштад во Харков додека низ него минувале автомобили. Шест лица се повредени во нападот, меѓу кои и едно дете, јави Си-Ен-Ен.
Украинскиот министер за надворешни работи Дмитро Кулеба зборуваше за нападот на централниот плоштад во Харков, каде што се наоѓа зградата на регионалната администрација. Тој повика на дополнителни меѓународни санкции против Русија по нападот, кој го нарече варварски.
„Варварски руски ракетни напади врз централниот Плоштад на слободата и станбената област на Харков. Путин не може да ја скрши Украина. Тој од бес прави повеќе воени злосторства, убивајќи невини цивили“, напиша Кулеба на социјалните мрежи.
„Светот може и мора да направи повеќе. Зголемете го притисокот, ЦЕЛОСНО ИЗОЛИРАЈТЕ ЈА РУСИЈА!“ напиша тој.
Barbaric Russian missile strikes on the central Freedom Square and residential districts of Kharkiv. Putin is unable to break Ukraine down. He commits more war crimes out of fury, murders innocent civilians. The world can and must do more. INCREASE PRESSURE, ISOLATE RUSSIA FULLY! pic.twitter.com/tN4VHF1A9n
— Dmytro Kuleba (@DmytroKuleba) March 1, 2022
Се огласи и лидерот на регионот Харков
Шефот на регионот Харков, Олег Синегубов, изјави дека ракетните напади утринава го погодиле центарот на Харков, вториот по големина украински град, вклучувајќи ги станбените населби и зградата на регионалната администрација лоцирана на главниот плоштад во Харков.
Синегубов рече дека Русија лансирала градски и крстосувачки ракети кон Харков, но дека одбраната на градот се уште е во мирување.
„Таквите напади се геноцид врз украинскиот народ, воено злосторство против цивилното население“, рече тој.
Синегубов се појави пред новинарите во панцир и со кацига на главата и рече дека се уште е рано да се каже колку жртви има во нападот.