Почнаа преговорите меѓу Русија и Украина, кои се водат во Белорусија.
Белорускиот министер за надворешни работи Владимир Макеи на почетокот на разговорите им се обрати на руската и на украинската делегација. Тој им посака добредојде и рече дека треба да се чувствуваат целосно безбедно.
„Тука можете да се чувствувате сосема безбедно“
„Почитувани пријатели, претседателот на Белорусија ме замоли да ви посакам добредојде и да обезбедам сè за вашата работа, како што е договорено со претседателот Зеленски и претседателот Путин. Можете да се чувствувате целосно безбедни овде. Тоа е наша света должност“, рече Макеи.
„Претседателот Лукашенко искрено се надева дека за време на денешните разговори ќе биде можно да се најдат решенија за сите прашања од оваа криза. Сите Белоруси се молат за ова. Сите предлози, во однос на организацијата на денешниот состанок, ќе бидат разгледани и апсолутно исполнети. Ние со нетрпение очекуваме до резултати“, додаде Макеи.