Во Софија се одржа четвртата рунда експертски разговори меѓу тимовите на министерствата за надворешни работи на Македонија и Бугарија, ангажирани во дијалогот по трн. пакет на политички прашања.
Според македонското МНР, средбата поминала во конструктивна и отворена атмосфера. Биле разгледани последните предлози испратени минатата година од страна на Македонија во одговор на предлозите на бугарската страна кои беа доставени во септември минатата година.
Тимовите на министерствата за надворешни работи го потврдија ангажманот за поддршка на активен дијалог насочен кон изнаоѓање на заемно прифатливи решенија за клучните теми од билатералната политичка агенда.
Следниот круг на експертски разговори ќе се одржат во најскоро време во Скопје.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.