Вести Ковид19 Македонија Топ вести

ИЈЗ: Омикрон варијантата е откриена во седум градови, бројот на заболени зголемен за скоро 34% во однос на минатата недела

Во период 10-16.01.2022 Тестирани се вкупно 45.401 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 14,7% во однос на минатата недела, стои во извештајот на Институтот за јавно здравје.

Регистрирани сe 11.123 нови позитивни случаи од 35 градови во државата, со зголемување од 33,9% во однос на минатата недела (n=8.308). Процентот на позитивност се движи од 21,4% до 30,2%, просечно 24,4%. Најголем дел од регистрираните случаи се од Скопје (n=5.630; 50,6%), а највисока неделна инциденца е регистрирана во Крушево – 1.152,4/100.000. Висока инциденца се регистрира и во Битола (n=1.025; I=1.035,5/100.000).

Регистрирани се заболени лица во сите возрасни групи. Најзастапени се возрасните групи на лица на возраст 30-39г (n=2.643, 23,8%) и 20-29г (n=2.153, 19,4%). Најмал број е регистриран кај возрасната група од 0-9г (n=205; 1,8%).

Се забележува зголемување на бројот на заболени кај скоро сите возрасни групи со најголемо зголемување кај возрасната група над 60 години со зголемување од 99,6% и возрасната група 50-59г со зголемување од 90,3% во однос на претходната недела.

Се регистрира минимално намалување на бројот на заболени кај возрасните групи од 20-29г (-4,3%) и 10-19г (-2,5%) во однос на минатата недела. Во однос на дистрибуцијата по пол, пријавени се 6.029 (54,2%) лица од женски и 5.094 (45,8%) од машки пол.

Со статус „оздравени“ се стекнале 5.403 лица кои биле хоспитализирани или на домашно лекување. Во текот на минатата недела вкупно се пријавени 1.247 реинфекции, со зголемување од 31,8% во однос на претходната недела.

Пријавени се 55 смртни случаи во 15 градови во текот на изминатата недела, за 34,1% повеќе во однос на минатата недела. Најголем дел од нив се од Скопје (22). Во однос на возраста, најголем број (n=48; 87,3%) од починатите припаѓаат на возрасната група над 60 години, а регистрирани се починати лица и кај возрасната група од 50-59 години (4), 40-49 години (2) и 30-39 години (1).

Во лабораторијата за вирусологија и молекуларна дијагностика при ИЈЗ, во периодот од 10- 15.01.2022, изведен е посебен ПЦР тестот на вкупно 96 позитивни примероци на SARS-CoV-2, а кај 57 од нив (59,4%) е детектирана Омикрон варијантата (B1.1.529).

Омикрон варијантата е откриена во 7 градови и тоа во: Скопје, Кавадарци, Тетово, Охрид, Кочани, Велес и Гевгелија, стои во извештајот на Институтот за јавно здравје..

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Неколку приведени за пожарите во Скопје, меѓу нив има и тројца тинејџери носеле шишиња со бензин и петарди

Дејан Дејан

(видео)Брутална ликвидација во Киев, на социјалните мрежи се споделува видео од убиството на Иван Воронич, клучниот човек на Зеленски

Дејан Дејан

Пожари во Чучер Сандево, Прилеп, Македонски брод, Дојран, Крива Палнка и Чашка

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе