Се поголемиот број на инфицирани ракометари со корона вирусот им задава огромен проблем на селекторите на националните тимови во пресрет на почетокот на Европското првенство.
Во најтешка ситуација очигледно се наоѓа селекцијата на Србија која мораше за момент да ги прекине подготовките.
Во моментов дури шестмина репрезентативци се наоѓаат во изолација и според актуелниот протокол на ЕХФ тие нема да настапат на шампионатот бидејќи мора да бидат во изолација во следниве две недели.
Дополнителен проблем е и фактот дека позитивни на инфекција со корона вирусот се и селекторот Тони Џерона и уште неколку членови на стручниот штаб.
Доколку ЕХФ не направи измени во протоколот се доведува во прашање настапот на Србија на првенството која е во група со Франција, Хрватска и Унгарија.
ФОТО: Игор Паневски